Mistök?

Ég veit ekki hvort þetta eru byrjunarmistök á "nýju" kerfi, reyndar þykir mér það ólíklegt því eitthvað vit ættu menn að hafa á þessu sem voru við stjórnvölinn!

Voru það mistök að gefa út ákveðinn kvóta á hvert landssvæði ÁÐUR en vitað var hversu margir bátar yrðu á hverju svæði?

Vitað var að bátarnir við Arnarstapa yrðu ansi margir og tækju því drjúgan hluta af kvótanum á þessu umrædda A svæði.

Voru það mistök að skila tilbaka helming byggðakvótans, sem upphaflega átti allur að renna í strandveiðarnar.  Bjó það til smugu fyrir þá sem áttu rétt á byggðakvóta, að leigja hann út og fara svo inní strandveiðarnar líka?

Smábátasjómenn fögnuðu því að nýtt kerfi yrði sett á sem myndi gera þeim kleyft að róa sér til lífsviðurværis en svei... Ekki furða að LÍÚ hósti lítið og lágt.

Ef stjórnvöldum er alvara með að koma til móts við smábátasjómenn vil ég sjá þau ræða við þá sjálfa um hugmyndir þeirra um hvernig strandveiðum væri best háttað.

 

Strandveiðikvótinn næst ekki