Hingað dettur inn...

Fólk úr ýmsum áttum   Vinir mínir, ættingjar, kunningjar og fólk sem þekkir aðeins til mín.  Svo kíkja hingað aðrir sem þekkja mig ekki neitt og allt er það hið besta mál
Allir velkomnir og það væri frábært ef þið mynduð skilja eftir fingraför í gestabókinni eða í kommentum.
Núna, af gefnu tilefni langar mig að setja inn færslu um kæra bekkjarsystur mína, Þórdísi Tinnu.  Margir vita að hún hefur verið að berjast við krabbamein undanfarna mánuði með kjarki og hugrekki sem við vildum örugglega öll búa yfir.   Hún svaraði fyrstu meðferð mjög vel en vágesturinn hefur ekki alveg sleppt takinu.  Nú er svo komið að hún stefnir til Bandaríkjanna í frekari rannsóknir hjá færustu læknum þar.  Hún hefur fengið neitun frá Tryggingastofnun um fjárstyrk til þess að fara.    Það eitt gerir það ógerlegt fyrir hana að berjast fyrir lífi sínu og þá lengja um leið tímann sem hún hefur með 8 ára dóttur sinni sem hún sér ein um.   Þess vegna vonumst við til þess að sem flestir sjái sér fært að leggja henni lið í þessari baráttu, margt smátt gerir oft mjög mikið...  Langar að hvetja ykkur til þess að senda vinum og ættingjum netpóst með link á bloggsíðuna hennar og hvet ykkur til að lesa sjálf um aðstæður hennar.
Svo langar mig að biðja ykkur um að hugsa til hennar, Ástu Lovísu og allra þeirra sem eiga um sárt að binda vegna krabbameins og kveikja á kerti klukkan 10 í kvöld og leggja inn bænir til æðri máttarvalda.
Ég læt fylgja með slóðina á síðuna hennar http://www.blog.central.is/thordistinna 

Í auðmjúkri von um góðar undirtektir.

Eigið góðan dag.

Athugasemdir

[Guðsteinn Haukur Barkarson, 30.5.2007 kl. 18:42]

Ég mun biðja fyrir heilsu vinkonu þinnar Þórdísar Tinnu, og um leið vil ég benda á gott félag sem hugsar um aðstandendur krabbameinssjúklinga. Það heitir kraftur og er þar nákomninn vinur minn sem greindist með krabba sem veitir því forstöðu. Guð blessi þig og þína Bára, ég þekki þig ekki neitt en mér þykir vænt um þig og þín skrif !