Bára Kristín Pétursdóttir

Ég hef markvisst og meðvitað reynt að halda mig frá því að blogga um fréttir en stundum get ég ekki orða bundist!

Hvað er það sem gerir það að verkum að ungt fólk fer að metast um  hvert þeirra valdi sem mestri eyðileggingu?  Uppeldi?  Leiði? Brengluð viðhorf til umhverfis?  Sjónvarpsgláp? Tölvuleikir? 

Hafa þessir krakkar ekkert fengið að umgangast náttúruna á eðlilegan hátt? 

Spyr sú sem ekki veit.   

Hvaleyrarvatn, sem og öll náttúra Íslands er mér kær og ég reyni að ala börnum mínum virðingu við náttúruna og kenna þeim hvað hún er gjöful okkur ef gengið er vel um hana.   Ég veit að sonur minn 10 ára mun hrista hausinn og spyrja af hverju er búið að eyðileggja paradísina okkar mamma?  Eins og það er gaman að vera þarna að leika sér, sigla á vatninu, liggja í grasinu, ganga á milli trjánna, grilla eða borða nesti, hlusta á fuglana og finna lífið.

En svæðið við Hvaleyrarvatn er ekki eina náttúruperlan sem verið er að eyðileggja, sinueldar eru árviss viðburður og okkar foreldra að taka þetta til umræðu inn á heimilum. 

Ég vona að sú refsing sem ungmennin þurfa að horfast í augu við sé í það minnsta að hluta, fólgin í því að sinna samfélagsþjónustu og þurfi að vinna við það að taka þátt í uppbyggingu á svæðunum aftur.    Hreinsa brunarústirnar, klippa niður brunnin tré, gróðursetja græðlinga og svo framvegis.   Ég held að það geri þeim betur grein fyrir skaðanum sem þau ollu, en flest önnur refsing.

	Metast um sinubruna
Ábyrgðarmaður færslu Tilkynna um óviðeigandi tengingu við frétt

Hér á höfuðborgarsvæðinu.   Fólk er mismunandi illa statt og staðan þannig að flestir foreldrar þurfa báðir að vinna úti.   Yngsti sonur minn kemst ekki heldur að í leikskóla fyrr en 26 mánaða gamall !  Dagmæður umsetnar og ekki allir sem búa svo vel að geta leitað til ættingja.  Ég held að 3ja úrræðið verði að fara að koma fram! 

Hvar eru efndir á kosningaloforðum núna?   Allstaðar ófremdarástand í því sem snýr að börnunum okkar, grunnskólakennarar á flótta úr stéttinni.  Hvernig væri að fara að hækka laun í þessum stéttum, það er hægt að skera niður á mörgum sviðum, til dæmis væri hægt að endurskoða botnlausa svallið í kringum sendiráðin.  Ekki það, ríkissjóður á alveg peninga ef grannt er skoðað!

Hvenær ætlum við að rísa á afturlappirnar og sýna ráðamönnum almennilega að þetta verður ekki liðið lengur?  Ég er kannski ekki endilega að mæla með frönsku aðferðinni, en hér væru ekki bara Lækjartorg og Austurvöllur  stútffullir af  garðyrkjuafurðum ýmsum og húsin vel smurð af eggjum, hér myndu eldar loga á gatnamótum og hringtorgum og fólk leggja niður vinnu ef sú aðferð yrði tekin upp hér!   En það er líka hlustað á franska þegna.   Þar yppir fólk ekki öxlunum og segir: þetta er bara svona!

	Leituðu til nágranna í neyð
Ábyrgðarmaður færslu Tilkynna um óviðeigandi tengingu við frétt

Ummm, nú er ég að leggja af stað norður á Strandir þar sem fjölskyldan ætlar að "hygge" sig  í nokkra daga.  Verður bara næs að komast útúr bænum í friðinn.  Ákveðin verkefni sem þarf að klára þar, eins og frágangur á stærsta sólpalli sem ég hef augum litið.   Einhvern tímann verður slegið upp dansiballi með hljómsveit og alles   Mála skápa og gott ef ég tek ekki í smá föndur.  Annars ætla ég mest að liggja í marineringu letinnar. 

Megið þið eiga góða daga á meðan...

Það er svona þegar hægri höndin veit ekki hvað sú vinstri gerir  

Það er nebblega það, þetta á að hafa komið frá bæjarstjóranum, ég sem var komin yfir grunsemdir mínar um að eitthvað væri bogið við orðalagið á kjörseðlinum, virðist nú hafa hitt naglann á skallann grrrrr.

Kjörseðillinn var svohljóðandi:  Ertu fylgjandi eða andvíg/ur stækkun álversins samkvæmt  fyrirliggjandi deiliskipulagstillögu?

Alcan og bæjarstjórn Hafnarfjarðar virðast þarna vera að nýta sér undankomuleið og bjóða fram möguleika á stækkun á landfyllingu.

Eigum við þá að fara að kjósa aftur?  Og aftur, og aftur og....

	Engin ákvörðun hefur verið tekin um aðra staðsetningu álvers
Ábyrgðarmaður færslu Tilkynna um óviðeigandi tengingu við frétt

að líta á þessi ummæli formanns Postulanna sem eilítinn hugaræsing,maðurinn var jú að missa verkstæði sitt í bruna var það ekki? 

Ekki að ég þekki til félagsreglna í þeim klúbbi yfirhöfuð...

Ég vil ekki trúa því að mótorhjólamaður mæli með því að naglabretti séu notuð á ökumenn tvíhjóla ökutækja.   Vissulega er hraðakstur hjóla vandamál, ég er ekki að draga úr því, en mér finnst með ólíkindum umtal síðustu daga.   Skoðum umferðarmenningu landans í víðara samhengi.  Ekki bara taka einn umferðarflokk út.

Um síðustu helgi fór fram á Akureyri flott sýning á ýmiskonar ökutækjum.  Ég fékk að heyra, frá fyrstu hendi um ferðalag annars mótorhjólaklúbbs frá Reykjavík til Akureyrar, ég hef hvergi séð ummæli um það ferðalag enda virðast þeir hjólamenn hafa hjólað leiðina af skynsemi.   Þá er það ekki fréttnæmt.  Sömu skynsemi áttu ekki sumir samferðamenn þeirra á 4 hjólum.

Lá við slysi við framúrakstur 2ja bíla sem greinilega voru vel á öðru hundraðinu.   Ekki var tillitsseminni fyrir að fara við bifjólamenn í þeim framúrakstri.   Í Varmahlíð stoppa hjólamenn og hvað horfa þeir á?... sjúkrabílar á fleygiferð í áttina að Akureyri,  hjólamenn þurftu ekkert að ímynda sér hvaða bílar hefðu lent í slysi, og fengu það staðfest þegar ekið var framhjá slysstað.   Þar höfðu sömu 2 bílar verið að taka  framúr sjúkrabíl í forgangsakstri og enduðu utanvegar!!!

Ég hef ekki orðið vör við mikið umtal um þetta tilvik, utan smá fréttar hér á mbl.  En nánast verið að aflífa mótorhjólamann og annan vegna þessa máls.   Umferðarómenning finnst í öllum flokkum ökutækja, ég fordæmi ofsaakstur, á hvaða ökutæki sem er!!!  Ég get bara ekki orða bundist að ætla að leggja fram tillögu um naglabelti á tvíhjóla ökutæki.   Álíka snyrtilegt og að leyfa víkingasveitinni að nota ökumanninn sem skotskífu!

Ég á fullt af vinum og ættingjum sem aka hjólum og finnst að þeim vegið, það er ekki allt hjólafólk að botna bensíngjöfina, ekki frekar en allir  ökumenn bíla eru að því.

	Lögreglan fái búnað til að stöðva hraðakstur bifhjóla
Ábyrgðarmaður færslu Tilkynna um óviðeigandi tengingu við frétt